परिचयः
समाजको आर्थिक, सामाजिक, सांस्कृतिक विकासको लक्ष्य र उद्देश्य लिएर वि.स.२०५२ सालमा स्थापना भएको वातावरण सुधार समाज (EDS) ले वि.सं. २०५४ मा संचालन गरेको बचत तथा ऋण कार्यक्रमको जगमा वातावरण सुधार बहुउद्देश्यीय सहकारी संस्था लि. (BASUCOL) स्थापना भएको हो । डिभिजन सहकारी कार्यालय, नेपालगञ्ज बाँकेमा वि.सं. २०५९ चैत्र २ मा विधिवत दर्ता भई बहुउद्देश्यीय सहकारी संस्थाको रुपमा संचालन भएको यो संस्था अहिले ३१ हजारभन्दा बढी सदस्यहरुको साझाघरको रुपमा स्थापित भएको छ । सुर्खेत, दैलेख, जाजरकोट र सल्यान गरी ४ वटा जिल्ला कार्यक्षेत्र भएको यस संस्था निरन्तर रुपमा सदस्यहरुको चाहना अनुसारका सेवाहरु उत्पादन गर्दै समुदायका बिचमा पस्कदै समुदायको मन जित्दै परिस्कृत, परिपक्व र सफल संस्थाको रुपमा परिचित हुँदै आएको छ । संस्थाले हाल मुख्यगरी निम्न अनुसारका कार्यक्रमहरु संचालन गर्दै आइरहेको छ ।
संस्थाको परिकल्पनाः
सहकारी व्यवसायमुखी स्वस्थ, सुन्दर, स्वाबलम्वी एवं सहयोगी सहकारी समाज निमार्ण गर्ने ।
संस्थाप्रतिको सोचः
सहकारीताको मूल्य र मान्यतामा आधारित बहु–व्यवसायात्मक अति उत्तम बहुउद्देश्यीय सहकारी संस्था ।
ध्येयः
समुदायमा आर्थिक विपन्नताका कारण गरीबीको कुचक्रमा परेका जनजाति एवं विपन्न वर्गका महिला, पुरुषहरुलाई सहकारी शिक्षाको माध्यमबाट सहकारीतर्फ संगठित गरी उनीहरुलाई स्व–स्र्फुत रुपमा सहकारी व्यवसाय तथा कृयाकलापमा संलग्न भई सामूहिक रुपमा आफ्नो आय स्तर वृद्धि गर्न सक्षम तुल्याउने ।
लक्ष्यः
समुदायभित्र आर्थिक विपन्नतामा रुमाल्लिएका दलित जनजाति पिछडिएको वर्ग, भुमिहिन एंव समान आर्थिक स्थिति र उद्देश्य भएका महिला पुरुष सदस्यहरुलाई बहुमुखी सहकारी संस्थाको माध्यमबाट सामूुहिक रुपमा वचत, उपभोक्ता भण्डार, गुणस्तरीय शिक्षा, स्वास्थ्य, कृषि तथा विभिन्न आयमूलक व्यवसाय संचालन गरी सदस्य तथा लक्षित वर्गमा आर्थिक आवश्यकता पुरा गर्न सहकारी आन्दोलनमा सरिक हुने ।
मुख्य मुख्य उद्देश्यहरुः